Home Pidgin News APC Primaries: Tinubu Want Ambode To Comot, Explosion For Port Harcourt

APC Primaries: Tinubu Want Ambode To Comot, Explosion For Port Harcourt

0
SHARE

Leader of di All Progressives Congress Party for Nigeria, Bola Tinubu say Lagos State govnor Akinwunmi Ambode no dey follow di master plan wey dem set, to develop di state.

Tinubu wey say im go vote for di party primaries wey go happun on Monday 1 October, say im no go support di govnor for di election.

“We must vote to return Lagos to beta way, so dat everibodi fit enjoy good prosperity”, im tok.

Di state govnor Akinwunmi Ambode bin don first tok say di pesin wey dem wan use replace am, no qualify to be govnor.

For Port Harcourt, explosion happun for di APC Secretariat along Aba road, but dat one no stop pipo wey come out to vote.

Na two sets of primaries dey happun for di south south state, as two groups of APC na im dey di state.

Kano State

Drama dey for APC secretariat inside Kano as members dey hustle to enta inside for posting to 473 wards for primaries. Report say dem don dey carri voting materials go different various wards.

Reports of infiltration dey happun for Enugu accreditation centre. Tori be say dem catch some pipo wit fake tags and send dem out of di venue

Report wey dey come from Kwara say dem don postpone di APC primaries for yonda.

APC chairman for Ogun, Derin Adebiyi, don confirm tell BBC Pidgin say dem don postpone di govnorship primaries for di state.

Chief Adebiyi say dem decide to postpone am because di materials wey dem need for di Primaries neva reach Ogun state from Abuja..

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.