No be small tori say Alhaji Atiku Abubakar don tanda gidigba as the person wey go carry the Peopple’s Democractic Party flag enter next year elections.
For we country people, Atiku na the person wey dem been see as na him go fit to chase Muhammadu Buhari comot wey go make we Naija beta.
Na country people don still yarn say dem know say him no fit run this race alone and e go make brain make him get person wey go run the race with am wey plenty people consider say get level and get brain.
I come dey reason say;
Atiku + Agbakoba – Na the only match wey dem do for inside heaven.
The name; Olisa Agbakoba no be new name to plenty country people. Na him be the Oga wey start the Civil Liberties Organization (CLO) wey been say start human rights parole for this Naija.
Him don also comot him name from gutter gutter as lawyer wey sabi wetin him dey do and sabi road.
Mr. Olisa Agbakoba don dey chuk mouth out politics mata as him be Oga for one of the third force parties wey dey Naija. Mr. Agbakoba wey come from Onitsha wey been dey South East of Naija, na him dem dey call Mr Integrity himself. Dem sabi am for abroad and Naija well well as person wey sabi wetin him dey do.
Atiku no need to look too much to take sabi sey whoever go be him candidate for next year election as him go want send Buhari go back to Daura.