For tori wey reach us now now, Chelsea don gree to pay the money wey Arsenal talk say dem wan sell Alex Oxlade-Chamberlain.
As we dey follow you talk now sef, Alex Oxlade-Champerlain suppose don dey pack hin load to commot for Arsenal.
Chamberlain, wey be 24 years dey with dem England squad for St George’s Park and e be like say na dere sef e go do hin medicals.
Chamberlain contract with Arsenal suppose expire for the end of the season, him with Alexis Sanchez and Mesut Ozil.
But the thing wey Wenger dey tell the 3 of dem be say make dem coole, make dem chop patience small, make dem no commot.
But tori wey reach us talk say Oxlade-Chamberlain don follow Wenger talk for weekend on top the matter, say hin no fit stay.
We hear, because our ear dey hear well well say Liverpool sef been wan sign am too, but Chelsea don fast pass dem.