Home Pidgin News Buhari New VOARS Order Dey Ask For 35% Tax On Money Wey...

Buhari New VOARS Order Dey Ask For 35% Tax On Money Wey Pipo Carry Go Keep For Overseas

0
SHARE

Any Nigerian wey get property for abroad must pay 35% tax of dat property to Nigerian goment.

President Muhammadu Buhari on Wednesday roll out new order to help fight against pipo wey no dey pay tax and money laundering.

Buhari sign executive order 008 wey im call Voluntary Offshore Assets Regularization Scheme (VOARS) for pipo wey get property for abroad to declare dia asset within 12 months.

Di Voluntary Offshore Assets Regularization Scheme order wey dem give number 008 bin take effect on di day wey Oga Buhari sign am – 10 October, even though na today press release on di mata comot from di hand of Garba Shehu wey bi Special Assistant to di President on Media and Publicity.

President Buhari Meet Akufo-Addo Over Attacks On Nigerian Traders forE Ghana

Dis order, di goment say, go make am hard for pipo to carri money comot di kontri go keep abroad and if such pipo no wan face hand of justice on am, e beta make dem just pay one-time 35% tax or pay di normal tax, plus penalty and interest.

Di goment dey promise pipo wey do as dem order go dey free from prosecution.

Nigeria former oil minister dey face corruption charges for different countries aside from Nigeria

For di West African kontri, e common for pipo wey don tiff big money to go keep am for account for abroad. Some go take am buy property and expensive tins dia.

Di Nigerian goment go use di office of di Attorney-General Nigera and Minister of Justice to set up di VOARS for Switzerland to make sure say pipo wey no wan hear di new word, go get hard time.

Economic and Financial Crimes Commission (EFCC) na di goment agency wey dey catch pipo wey don tiff money anyhow for di kontri but dia work no fit carri dem comot go overseas.

President Buhari say im get strong believe say dis new scheme go make bring “new tax money for di Federal Government, and also money to take put inside di Nigeria Infrastructure Fund for Switzerland.”

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.