Home Business NNPC Go Supply 10 Percent of India Crude Oil Demand

NNPC Go Supply 10 Percent of India Crude Oil Demand


NNPC, The Nigerian National Petroleum Commission don show say dem ready to dey supply 10% of India Crude Oil demand as e be say competition in demand dey from other countries dem.

NNPC Managing director, Mele Kyari naim make d commitment so, wen India High Commissioner to Naija, Abhay Takur bin visit. Mr Ughamadu wey be NNPC General Manager, release Press Statement wey state am.

E yarn say Naija, through NNPC dem, go continue to dey supply India Energy Security, as e also add say d recent Memorandum of Understanding, MOU, wey Naija and India get for Energy mata, go dey consumed as e go also make Naija and India Bilateral relation dey strong wela.

Oga Kyari yarn say NNPC get d desire make dem grow d Energy Cooperation wey dey wit India and e yarn say na time to Progress and make dem put d tok tok into action like actor.

He yarn say India na very important market and say NNPC go make sure say d current volume of crude oil from Naija go India go increase for interest of both countries dem.

“We dey ready make we get big engagement wit Indian trade team dem, as e go give us win-win situation between us, and we go make sure say we use every trade opportunity wey dey wela”. Oga Kyari tok.

He yarn say Naija get many investment opportunities wey dey for Liquefied Petroleum Gas, LPG and tok say NNPC dey ready to improve LPG infrastructure dem and consumption for Naija.


Please enter your comment!
Please enter your name here

This site uses Akismet to reduce spam. Learn how your comment data is processed.