Ginger, dat food item wey dem suppose place ban on,😏😏, naim some people go use dey cook, d one wey worse pass na say some people go cook soup ,come add ginger, ginger ooo, Omo, e be tins.
Those people wey dey put ginger inside soup, dem nor value human life, no argument, na wetin e be.
Those kind people, e get 3 wicked tins wey you suppose dey do for dem
1. Sue d person go court, say d person nor value human life
Dis one go make sense, because if d person value human life, d person nor go dey use ginger cook soup😭😭.
2. If d person get car, break d person windscreen and side mirror
Break am with so much Joy, because d person no deserve to dey drive car wey get windscreen and side mirror. If d person repair am, break am again.
3. Report the person to d company wey d person dey work
Report d person to d company wey d person dey work, no good and sensible company go wan associate with person wey nor value human life