Connected Development (CODE) don collect beta padi padi arrangee with media pipu based on their talk talk level based on the National Action Plan on Business and Human Rights (NAPBHR) after when dem been organize make sense 2-day roundtable for media pipu on wetin dem been dey do based on NAPBHR inside the oyel and gas sector, especially based on host communities and the things wey these communities been expect from the oyel companies.
The roundtable na based on the waka waka wey CODE don do inside two host communities of oil wells and flow stations inside Delta and Akwa Ibom states for Niger Delta. The roundtabe been let dem media people been share wetin dem don face as to how dem dey take collect story for Niger Delta mata, and still get informate based on the UN Guiding Principles on Business and Human Rights, and the time to run the National Action Plan to adopt am for Nigeria. Dem still talk based on the legal instruments wey dey ground to take regulate the oil and gas sector for Naija, and everybody been yarn on how dem fit work with CODE to take talk the stories wey follow humans wey dey host communities, and show the gidigba wey dey comot from the things wey the operators dey do for these communities.
Based on their “Follow the Money” model, CODE dey provide the communities wey no too get help with things wey fit make their voices heard with no mago mago and open hands; and those informate wey dey carry development enter their community. Since 2012, CODE don work inside over 100 local communities for Naija, The Gambia and Kenya; dem don impact over 1,500,000 marginalized lives as dem dey engage national and sub-national governments; dem don track NGN3 billion (USD 10 million) inside budget for contracts, to take run education levels, health mata and better better amenities for the communities wey need am badly.