Home Pidgin News I don Tell Security People Make Dem Protect Una- Buhari Yarn Give...

I don Tell Security People Make Dem Protect Una- Buhari Yarn Give Nigerians


Oga presido Muhammadu Buhari don tell Nigeria people say make dem no worry say him government go make sure say dem do everything to make e be say every Nigeria people live well for our country.

The oga Presido don carry order give security wey dem be Department of State Services, Nigeria Police Force, Nigeria Army and others, say make dem do wetin dem supposed to do so that people no go de die anyhow for the country.

The oga presido talk say one agreement wey dem reach for the meeting  wey him do with the ogas dem for the security agencies on Monday for Aso Rock.

Him talk am for him twitter handle, @Mbuhari.

Him say d meeting na yesterday dem do am and them the security oga don de ginger say dem go make sure say dem obey the last order.

The meeting last for almost 3 hours. People wey de for the meeting na Chief of Defence Staff, General Gabriel Olonisakin, Chief of Army Staff, Lt. Gen. Tukur Buratai, Chief of Naval Staff, Ibok-Ete Ekwe Ibas and Chief of Air Staff, Sadique Abubakar, others na ogas for Nigeria Immigration Service, Nigeria Customs Service, Nigeria Fire Service, Federal Road Safety Corps, Nigeria Prisons Service, and Nigeria Security and Civil Defence Corps.

Even Vice President, Yemi Osinbajo, oga Secretary to the government of the Federation, Boss Mustapha, Minister of Defence, Mansur Dan-Ali, Minister of Interior, Abdurrahman Dambazau, Minister of Foreign Affairs, Geoffrey Onyeama, National Security Adviser, Maj. Gen. Babagana Monguno (retd) folo de for the meeting.

Ogas Director-General for  Department of State Services, Lawal Daura, Director General for Nigeria Intelligence Agency (NIA), Ahmed Abubakar and Inspector General of Police, Ibrahim Idris.


Please enter your comment!
Please enter your name here

This site uses Akismet to reduce spam. Learn how your comment data is processed.