After d much talked about coronation mata of d head of d house for Big Brother Naija show, e don appear say Seyi don dey get little challenge wit Mike.
Just recently, d two of dem bin get kwanta, after dem dey prepare for task wey Biggie giv dem. Mike bin laugh on Seyi comment wey e yarn say d earth dey round, and e vex Seyi wey waka out for d group.
Before hin waka, hin tell Mike say “I no like make you come dey follow me yarn for my personal beliefs, e dey offensive and childish” Seyi yarn.
Mike no chill at all, e call Seyi person wey get hypertension and e yarn say e no go take am easy again, make Seyi dey Halla for am for loud voice.
“Why you dey vex? No dey dey hypertensive, you no fit dey halla for me, come think say I go leave you, you no fit dey force your opinion on us, and you dey always overreact sometimes” Mike yarn
“You no fit call yourseld leader make you dey para and waka comot anytime dem vex you, wey you no fit control d situation, Leadership no fit you, and you no get d mind to be leader, me no dey work with sensitive pipu” Mike tell am