Ex Big brother Naija housemate, Tacha don beg her fans say make dem no vex unto wetin happen to cause say dem disqualify am from the competition.
Tacha for her Instagram page bin write say;
“Talk talk no fit express how much una love and acceptance mean to me for dis point. Even my imperfection no make una stop to dey support me. No be my intention say make I comot laik dat”
“E dey unfortunate say my weakness bin overcome my strength and e stop wetin go don bring a good ending whether with prize or no prize”
“I sincerely dey apologise for every action for my part wey lead to dis and I dey take full responsibility for am. I be adult and suppose dey control my emotions, but be human being and I don fail time and again. Please, make una forgive me. I sincerely bin wan make am, at least reach d 99th day, I sabi say I go need to work on my emotional health.” Na fact as I don dey conscious of am now.”
Being on this show don show me say I no just be work in progress, but I get d chance make I become better me on all fronts if I give myself the chance to heal wela. I even hear say some of una cry and bin do vigils for me. I no fit thank una enough. You all don turn my family and e mean so much to me right now. I bin save d best for last. Thank you to the organisers of Big Brother Nigeria for this platform. E fit no don end as I bin hope and want, but e don allow me to rise. E worth am and for dis reason, I dey grateful ” Tacha Yarn