One socio-political group wey den dey call Concerned Indigines of Kaduna Senatorial Zone for Kaduna State don warn the Senator wey dey represent the zone, Sheu Sani say make hin desist from hin anti-party activities and the way hin dey confront the way President Muhammadu Buhari dey run the country.
They con talk say of hin no desist, den go remove am comot for House of Senate. The person wey dey coordinate the group wey be Aliyu Saidu talk say the Senator no mind hin own business at all, say hin own primary duty dey plenty for ground wey hin no do.
He con talk say make hin go focus on hin own business instead of putting mouth inside wetin no concern am.
Representatives of the seven local governments wey dey the senatorial zone talk say Senator Sheu Sani don dey pass hin boundaries too much, say hin wey suppose be partner of progress be the person wey dey cause kanta for every development wey for dey happen.
They con vow say if hin no stop the way hin dey behave, say den go remove am comot for the office and put person wey dey capable of the duties for there.
When the Senator go talk, hin disagree totally with wetin the people talk about am. Hin talk say everything wey hin dey do for house of Senate no mean say hin dey bad mouth the way President Muhammadu Buhari dey lead.