Home Pidgin News Heavy Flood Don Make Almost 2 Million Pipo Homeless For Nigeria

Heavy Flood Don Make Almost 2 Million Pipo Homeless For Nigeria

0
SHARE

Nigeria National Emergency Management Agency (NEMA) on Thursday confam say 1.9 million Nigerians don become internally displaced pipo inside dia own kontri afta flood hama twelve states.

Oga Buhari declare national disaster for Kogi, Delta, Niger and Anambra states wey some of dia areas don turn swimming pool because of flood.

Nigeria Floods: Di Mata Fit Cause Food Scarcity And More Pipo Fit Die

NEMA also shine dia torchlight for eight oda states dem suspect flood fit affect wey include; Taraba Adamawa, Kebbi, Edo, Rivers, Benue, Bayelsa and Kwara states.

NEMA tok tok pesin, Sani Datti, tell BBC Pidgin say dis na serious increase from September dis year wen 800 plus pipo, na im di flood bin first affect.

At least 200 pipo don die since di beginning of September wen flood bin scatta states wey dey near water for north central and southern states for di kontri.

President Muhammadu Buhari give NEMA power to coordinate wit oda goment ministries and agencies to helep Nigerians on top dis flood palava.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.