US Attorney-General, Jeff Sessions, don resign.
Oga Sessions, wey dey head di Justice Department don chop plenti yabis from President Donald Trump
Mr Trump thank oga Sessions for Twitter, come announce pesin wey go replace am.
For one letter wey im write, tok say im dey resign because na wetin di presido tell am to do.
Mr Trump dey always yab oga Sessions, even though di former Republican senator na one of di first pipo wey support am to become president.
Di two no dey see eye to eye again eva since oga Session announce say im go comot hand inside di Russia investigation last year.
Im deputy, Rod Rosenstein come appoint Special Councel, Robert Muller, to lead di investigation.