D National Chairman of d All Progressives Congress (APC), Comrade Adams Oshiomhole don rate d President Muhammadu Buhari administration high as e dey mart first 100 days in office for d 2nd term.
“President Buhari fit beat hin chest say hin don start well, and e don start fast. Una no fit call am Baba go slow now, na Baba fast, e don be now” Oshiomhole bin yarn dis one when him follow journalists yarn for Abuja on Friday.
Oshiomole bin drip some areas wey be say President Buhari first 100 days achievements make wela.
“Everything na to dey compare, because for 2015, after a hundred days we bin no get federal cabinet, d President bin never appoint ministers.
“For dis time in hundred days, from my tok tok with a number of Ministers, even d budget for 2020 don dey prepared and Ministers don dey assigned to their various Ministries.”