Naija President, Muhammadu Buhari don yarn say na wrong tin to dey think say National Assembly members dem dey collect big money on top small work wey dem dey do.
He yarn say na lack of trust for d Lawmakers dem naim no make pipo see d kain big work wey dem dey do for d kontri.
When d house of representatives bin launch d green chamber magazine on Wednesday, naim e yarn dis wan.
Na minister of information and culture, oga Lai Mohammed bin represent Baba Bubu for dia and e tok say;
” D general reasoning na say d National Assembly members dem, dey comfortable and dem dey highly overpaid on top small work wey dem dey do, and na very wrong tin to think, becos e no make pipo dem understand d kain big work wey dis Lawmakers dem dey do” e yarn.