Before before Governor of Oyo state, Abiola Ajimobi for Sunday don yarn say hin successor tok tok on top 150 billion naira debt everytime say na just to drag hin name for mud and say e no get need for am.
Ajimobi wey follow Journalists yarn for hin residence for Oluyole, Ibadan after Eid-el- Kabir prayer for Obafemi Awolowo Stadium, bin lament d kind yama yama d mata don cause.
Hin yarn say Oyo state no dey among top 10 for list wey Debt Management office bin publish.
Current Governor, Seyi Makinde bin don yarn say na beta big debt Ajimobi leave waka wey don affect d state.
But Ajimobi yarn;
” If you look d debt wey each States bin owe according to wetin debt management office release, una go see say Oyo state no even dey top 10″
“D United States na d number one debtor for world so, government as nature don dey suppose dey use pipu money dey make money” Ajimobi yarn
D former governor explain say 50 per cent of the debt wey hin administration owe, dey part of the World Bank loan wey previous governments 4 d state collect and say less. than 30 per cent of the amount had been accessed.