Kemi Adeosun wey be the Minister of Finance for Nigeria don talk say Nigerians too dey steal money easily.
She talk this matter during the three-day conference wey dey organised by the Presidential Advisory Committee Against Corruption (PACAC). Kemi Adeosun talk say the country don dey fight corruption for Naija for over 20 years and e never end.
For her own words wey we translate to pidgin, she talk say:
“My experience from the small time wey I don spend as minister for Nigeria don show me say e dey too easy to take do all these things for here, we suppose make am more difficult to steal money”
“Plenty Plenty things don go on ontop the problem. We suppose come together to take solve the problem. From the Ministry of Finance’s mind, we reason say prevention dey better pass cure”.
“To recover money sweet but e hard. It dey take plenty years to do and we never even recover money wey dem steal for 20 years ago.”
“As accountant wey I be and as minister of finance; make we go take block the money from make e comot for the first place?.”
“How we go take stregthen our controls? How we fit take create systems wey dey tell us make we flag some kind transactions?”.
“Make we stop the money make e no comot; make we stop the loss, and we go take work on recovery of the money”.
“We don take steps to take improve how we dey manage the tax wey we dey collect for Naija, and make am hard for people to steal from we treasury”
Other better better people for Nigeria dey the three days conference too.