Senator Ovie Omo-Agege wey be Urhobo Senator wey de represent Delta Central Senatorial district don provoke o.
The man say make MASSOB and IPOB stop to de add Urhoboland as part of Biafra country wey dem de hustle for.
The Senator wey talk yesterday talk say, “na true say Article 1 (2) of the United Nations Charter give everybody right to self determination but e no talk say make people de determine for another person”
Him still talk say “make MASSOB/IPOB and other tribal group remove Urhoboland from their Biafra map henceforth. make una no use una own come affect our own for Urhobo”.
“We no be Biafra and we nevcer be Biafra before. Urhobo still get hope in Nigeria and that one na final”, na so him talk.