The All Progressives Congress, APC don accuse opposition party, Peoples Democratic Party, PDP say na dem dey behind d recent 2023 campaign posters of some chieftains of d party wey people dey see.
D APC comot their name and pictures of dat of their members, and say na PDP do am because of their devilish aim.
D people wey dey d picture na Asiwaju Bola Ahmed Tinubu wey be d APC national leader, Adams Oshiomole wey be d National Chairman of d party and Kaduna state Governor, Mallam Nadir El’Rufai.
APC National Publicity Secretary, Mallam Lanre Issa-Onilu, bin yarn give journalists for Abuja on Thursday, say d party members dey focused on good governance and how dem go take deliver on their mandate and dem no dey with issues on 2023 election.
He yarn; “As a party, we wan state am clearly say as we don win d elections convincingly and ss d people don give us d mandate make we take run government for the next four years, our major and only focus now na governance.”
” Na part of d strategy of a party to suppose provide alternative to d way we dey take do governance and since dem no get such, d only thing wey dem fit do na to continue to dey throw spanners inside d works.”
“So, we dey beg all our members make dem focus on watin dey important to us, and so we dey comot ourselves and we leaders dem from any election matter” APC yarn