The Senate President for Naija, Ahmad Lawan don tok say senate go get the list of ministers wey dem nominate dis week.
Sen. Lawan tok am when hin dey respond to the point of order wey Senator Bassey Akpan, PDP, wey dey represent Akwa Ibom North East raise about how the Executive arm of the government too dey delay on top the matter.
Sen. Lawan tok say the executive arm dey work well well on top the matter and hint sure say dem go send the name give the Senate this week.
Na hin Sen. Akpan come tok say wetin make am dey vex on top the matter na because senate dey go for two weeks holiday, and hin no wan make the holiday affect the work wey the Senate suppose do ontop the list.
Sen. Lawan come respond say the Senate go wait until the list come to dem. He tok say everybody for Naija know say time dey for inside the year wey senate dey go for holiday and the executive arm know am. So, dem go do everything wey dem one do before the holiday so dem go fit work on am.
Like the judiciary dey for holiday now and judges don travel out go do dia holiday, na thesame way e go be for senate too. Make the executive arm put am for mind.