Bala Mohammed wey be Bauchi State Governor don yarn say d National Chairman of d All Progressives Congress, APC, na problem and e dey bring big kasala to d political stability for Bauchi state.
For statement wey e drop on Thursday, d Governor blast Oshiomole say naim dey behind d crisis wey rock Bauchi Assembly.
Oshiomole bin don demand say make new proclamation bin dey for d inauguration for Bauchi assembly.
D spokesperson of d Governor wey speak on hin behalf, Oga Ladan Salihu yarn say dem don settle d crisis.
“The eight members wey d APC national chairman dey lead dey among d 17 pipu wey dem swear in last week on the floor of the assembly. All d 31 legislators don be members of one state assembly,” he yarn
“As far as d Government and People of Bauchi State dey concerned, the disharmony wey dem wan use force bring don turn history. Bauchi legislature na one united family. The issue make anoda proclamation dey na yeye talk.”
“E don clear say our legislators no be d problem, and APC no be problem too, na Mr Oshiomhole be d problem. He dey clear and wan present danger to political stability wey dey Bauchi State. And na why he bin remove members of Edo State Assembly from d visit to the villa”.
” Make d APC chairman rethink wela, as e dey deal wit pipu wey dem don defeat wey our pipu don reject “.