Nigerian Photographer, Yagazie Emezi don win Getty Images award. The 26 year-old documentary photographer dey among the six people wey the panel select wey go collect between two thousand dollars and five thousand dollars.
Other people wey dey this award list na Neema Githere wey waka come from Kenya, Oriana Koren, Jeremy Dennis, Donavon Smallwood and Tara Sellios wey all of dem come from Unites States of America.
Emezi, wey come from Abia state for Naija na she come second with that Kenyan woman, Githere and na three thousand dollars dem do carry hand collect.
She talk this matter for her Instagram post
Excited to announce that I am among the 6 recipients selected for the @gettyimages Creative Bursary (@gettyimagescreative) for emerging photographers! Thanks to the funds, I'll finally have some small piece of mind to set time aside to put form to the things in my head lol. Congratulations to the rest of the recipients (it was great to see a familiar name on the list representing Kenya @findingneema 💕😘)! Ready for the challenge and looking forward to seeing how we make use of this opportunity to tell more of our necessary stories <3 . Image from my “Tinko Tinko” piece. Wearing @orangecultureng Playtime with @mercieamaka | @faith__johnson | @tunji_labi | @joshuadedeji_ of @fowlermodels #yagazieemezi #afropresentism
She write say, “I happy to tell all my people say I dey among the 6 people wey Getty Images been select for upcoming photographers”.
“Thank you for the money, I go finally get small peace of mind now to take carry the things wey de my head come life”.
The award wey she win name na the Getty Images Creative Bursary Awards. Them start the awards for October 2017 to take support upcoming photographers wey never reach 30 years and dem don dey pursue photo photo things for inside three years.