Peoples Democratic Party don declare say e no concern dem say Presido Muhammadu Buhari don declare say him wan do oga Presido work again.
According to statement wey PDP Talk-talk person Kola Ologbondiyan sign yesterday, the declaration na All Progressive Congress matter say the only thing be say Buhari don join others wey don say dem wan do Presido work.
Early before PDP talk dia own, dia youth wing, Peoples Democratic Party National Youth League been don declare say Buhari declaration for another term na dead on arrival. The youths say people like Buhari supposed go surrender themselves to the nearest prison because of all the evil wey him do.
The National Coordinator of the youths, Honourable Inioribo Tamunotonye and Publicity Secretary Zainab Al-Amin wey sign the press statement yesterday, call every Nigeria person make dem make sure say Buhari no win for 2019.
Na yesterday wey be Monday wey Buhari shock people as him declare say him wan do Presido work again for 2019 after him term expire.