One Stephen Enebeli wey be Fashion Designer don tell Igando Customary Court for Lagos today say him go die if him give money to him wife to take care of the family.
Mr Stephen talk this matter based on the i no do letter wey the wifwe Eunice write give the court based on say him no dey take care of him children.
“I stop to dey give her money for chop chop and school fees of our children when she start to dey live for another man place”
Him talk say, “For my village, if one woman go live with another man when him former husband still dey alive, him go die and me ma no wan die now.”
“Eunice don pursue me comot for her house because I dey always quarell am because she dey leave the children go dey knack other men.”
Him come add say Eunice no dey gree respect am sake of say him no get money and she get money pass am.
Stephen come talk say, make the Igando court allow am make him dey take care of him childrem dem because him no want make another man be father to him children. Eunice dey talk say she want make the court seperate their 16-year old marriage because the man no fit care for am.
The 16-year old marriage don make dem born 3 children and Eunice tell the court say her husband don plan to poison am.
“Him talk say he go marry another wife when him poison me if I make move to leave am.
Meanwhile, the Oga Presido of the court, Mr. Akin Akiniyi talk say the wife no gree make dem settle the matter even though her husband dey talk say him love her. Him come pronounce say make the marriage divorce as the wife no gree make dem settle the quanta wey dey ground.
Mr Akin come add join say make the mother dey with the children as him dissolve the marraige between Mrs Eunice Enebeli and Mr Stephen Enebeli.