PidginBlog Meets Oluwole Ojo, Gay Suspect Arrested in Egbeda by the Police
To be gay for Naija na big gbege, wey government pipu don yarn say you go go stay for inside prison for 14 years. Na the case of Oluwole Ojo wey carry head go carry cobweb for mata wey no concern am for head or for yansh.
Na one evening for Lagos, Mr. Oluwole Ojo collect call from him friend make him come shaye for Egbeda based on say na there him dey that day.
As him waka go there, him tanda for outside the bar dey kule na him police enter the place, carry all of them and dem been no tell them where dem dey carry them go.
As Police been waylay dem for there, dem discharge the girls wey been dey with them. One of the 57 gay suspects’s brother wey Police been arrest don yarn say him brother no dey knack man as him dey knack women steady that time wey dem been arrest dem.
Oluwole Ojo been reason us wetin shele for there and plenty plenty things for inside this him interview with PidginBlogNG.
Oluwole Ojo been yarn wetin happen for the first night wey him enter Ikoyi prison as him see how dem been dey kpai people for him koro-koro eyes.
Watch as him scatter for ground wey shele inside Naija prison gan gan and how him been take comot for mata wey him no sabi how e take concern am.
Inside the prison, dem been announce say to get PVC na condition wey dem go need meet to take comot dem for there too