Home Pidgin Feature Police Carry One Old Man Go Court Because of 6 Chicken

Police Carry One Old Man Go Court Because of 6 Chicken


Police don carry 65 years old Pa Adegoke Atanda go court on Monday for Osogbo say him thief 6 chicken wey dem supposed sell for N9600.

Adegoke enter dock with him padi wey be 50 years old Adegboola Obey on 2 count charge wey na thief thief and conspiracy.

Mr. Jafani Muslimi wey be the police officer wey carry the matter like gala for head, tell the magistrate court wey na Fatimoh Sodamade be the magistrate, say dem two thief the chickens on February 10, 2018 around 10 o’clock for night for Olu Alabi farms, wey de for Oke-Onitea area for Osogbo, Osun state capital.

Jafani say dem the 6 chicken na Olu Alabi farms Ltd get am and him say dia offence fall law for section 516 and section 390 (9) of the Criminal Code, Cap 34, Volume 11 Laws of Osun State 2003.

Wen d judge ask dem, dem say dem no do am and dia lawyer Mr Okobe Najite com beg the magistrate say make she give dem bail abeg.

Magistrate Fatimoh Sodamade com say she de give dem bail of N20,000  and make dem bring one surety sef with d same money. She say make all of dem com back for March 1, 2018 for the matter.


Please enter your comment!
Please enter your name here

This site uses Akismet to reduce spam. Learn how your comment data is processed.