Home Sports 2 Prayer Points wey you need to pray for Man Utd as...

2 Prayer Points wey you need to pray for Man Utd as dem don port go Europa League

0
SHARE

After dem dey on top of their group for inside UEFA Champions League from Match Day 1 – Match day 5, Manchester United las las nor qualify for round of 16, as dem finally port go Europa League.

Ole on d wheel don drive dem go Europa. Well e nor bad, e just get 2 prayer points wey you need to pray for dem now as Europa dey ground for dem, dat one na if you like dem oo.

1. Make Dem nor meet Tottenham Hotspur

Make dem close eye, join hands together pray hard, because wetin happen for the 4th of October ehn, e nor go good make anoda one happen. That 6-1 beating for Old Trafford still fresh for their head.

Pray for Man Utd ,make dem no meet Tottenham, how dem wan do am ehn, we nor know, but Prayer fit help dem 😁

2. Make God provide coach for dem fast fast

As Man Utd be like this, dem nor get coach, dem just get person wey dey d wheel for dem.

If you like Manchester United, pray make God provide coach for them, so dat Europa journey nor go end in anoda tears.😪😪

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.