Home Sports Alan Shearer tok say if Season no finish, e go dey unfair...

Alan Shearer tok say if Season no finish, e go dey unfair if dem carry League give Liverpool


Alan Shearer wey be the English Premier League record Goalscorer tok say as tins be, say dem no suppose declare winner or Loser.

Even as Liverpool dey 25 points clear off Man City wey dey 2nd position, former Newcastle United Striker, Alan Shearer don yarn say e go dey unfair if season no finish and dem come declare Liverpool winner of d League.

Coronavirus mata don make dem suspend d League reach April 3 and doubt still dey on when dem go fit start games back.

Na dis wan make West Ham United Vice Chairmo, Karren Brady yarn say d tin wey go make sense to do pass na make dem declare dis current null and void.

On top dis wan, Shearer feel say dat wan go dey harsh on Jurgen Klopp and his boys, but hin also feel say becos Liverpool neva get number of points wey go make dem Champions mathematically, say if dem carry title give dem, na premature sometin.

“If you no fit Complete d games, e no make sense make you declare anybodi winner or Loser, and make you dey carry d title give one clubs or make you dey relegate one club. ”

“For Liverpool, e fit dey harsh, but I no see how e go dey fair to carry League League dem, even as e be say no club fit catch dem so.” Shearer write for The Sun.


Please enter your comment!
Please enter your name here

This site uses Akismet to reduce spam. Learn how your comment data is processed.