Arsenal striker Pierre Emerick Aubameyang, don express hin belief say Arsenal attack go dey dangerous and e got hot wela dis season wit d partnership of himself, Pepe and Lacazette.
Na Aubameyang goal wey e score for 58th minute naim give d Gunners away win for Newcastle for their first match of d 2019/20 Premier League season wen dem jam on Sunday.
Lacazette bin no play d match, but Pepe enter wen e remain 19 minutes make d match end, and e be laik say na fitness issue cause dat one.
Last season wey Aubameyang and Lacazette partner, dem kpake 35 goals for Arsenal and Arsenal fans go expect more as e be say Pepe go join dem for attack.
” I no wan compare am to oda partnerships wey I don dey before, but I sabi say d partnership go mad gan, everybody dey happy about am, we go get time play together wela, and I dey look forward to am”.