Real Madrid full back, Dani Cavajal don commot list of people wey go play Sunday La Liga match with Espanyol after doctor discover say hin get viral infection for heart.
Carvajal, wey be 25 years, go still miss Spain’s World Cup qualifier game with Albania and Israel because of this heart condition.
Real Madrid announce this tori for their website like dis “According to test wey we do on top Dani Cavajal, we see say hin don get one viral pericardium infection. We go dey look am as he dey recover small small”.
If you remember wella, Carvajal just sign contract extension till June 2022, and hin don play 167 times for Real Madrid. Hin don win Champions League 3 times and La Liga and Copa Del Rey cup.