Former Swansea and Spanish midfielder Michu don hang hin boots (retire) after woundjure no allow am rest. The 31 year old wey be join for the Swansea squad wey carry League Cup for 2013 be follow get high number of goals (22) for hin first season after hin be waka come from Rayo Vallecano for £2m for 2012.
But the guy no last for Premiership because inside two years wey hin follow join for the Swansea team wey finish for 9th inside League hin kon dey tap ball for side wey dey tap ball for fourth side inside Spain because of ankle woundjure wey no gree leave am.
Hin be play 2016-17 season with Oviedo and hin dey reason to enter coaching as hin career don finish.
Before hin be sign for Swansea for 2012, hin be first play Oviedo, after which hin kon enter Celta Vigp before hin kon move enter Rayo Vallecano and Spain be cap am for 2013.
Swansea be sign am for just £2m and hin be one of the correct ogbonge buy wey be shine shine wella for league that season. Hin be tear net two times for Swansea first match of the season as Swansea be flog QPR for Loftus Road 5-0. Arsenal fans sef no fit forget am as hin be tear two times for dying minutes as Swansea be flog Arsenal 2-0 for Emirates Stadium for December 2012. And hin still tear net against Chelsea as Swansea be tear them 2-0 inside first leg of League Cup semi-final.
Swansea be offload am for November 2015 after hin be struggle to well from hin ankle woundjure.