Home Sports Chelsea: Na since January Costa suppose don waka

Chelsea: Na since January Costa suppose don waka


Chelsea oga Antonio Conte don yarn say na since January hin be yarn Diego Costa say hin no join for the next level movement wey hin get for mind. The matter be happen after Costa and one fitness coach be get quarrel after amebo tori be dey fly say hin wan go China but Conte be yarn that time say Costa dey happy to play for Chelsea.

For June, Costa be yarn say Conte be send am text message say hin no go join for the squad next season. Costa, wey be 28, be tear net 20 times inside 35 Premier League games as hin be epp the Blues win title last season, no follow them waka as them dey survey Far East and even midfielder Nemanja Matic no follow join for the waka.

Chelsea don sign Tiemoue Bakayoko wey be enter from Monaco for £40m and the tori be say nah in go collect Matic position for the team next season. Them don also gree £60m with Real Madrid for sharp shooter Alvaro Morata as Costa don dey ginger to waka enter Atletico Madrid back even though them dey under transfer ban.

Chelsea go start their pre-season games against Arsenal for Beijing for July 22 before them go waka go Singapore for games against Bayern Munich and Inter Milan.



Please enter your comment!
Please enter your name here

This site uses Akismet to reduce spam. Learn how your comment data is processed.