Home Sports Liverpool game go hard like Olumo rock – Frank Lampard

Liverpool game go hard like Olumo rock – Frank Lampard

0
SHARE

Chelsea Coachee, Frank Lampard don yarn say Chelsea UEFA SUPER CUP game wey dem go follow Liverpool play go thick and e go hard like Olumo rock, but say dem go work hard to win am.

Lampard don warn hin players say excuse no go dey for failure despite say d game go hard, and say dem got put all their bodi for inside d game wey go shele for Wednesday night.

Lampard use 4-0 start hin competitive campaign, as man utd beat his team like person wey go market go thief something.

Chelsea dey face Liverpool unto say na dem win Europa League for season wey pass go, and dat one don give dem champions league ticket.

Lampard follow UEFA website yarn, and e say;

“Make person dey play against team like Liverpool wey sabi wela go dey really tensed, and every of our player got know say d game dey important for our club, and make dem give everything because d game go tough”

“We got dey ready, na cup wey we wan win, me myself neva win am, and many players dem neva win am, so we got put everything”

“Person fit lose final, but make person no lose am because of preparation or because say we no get d hunger and attitude to win dis kind game”

D game go happen for Istanbul and na Female Referee, French Stephanie Frappart go dey in charge of d game.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.