As e dey Already plenty superstars don land for Abuja make dem show us wetin dem fit do inside tracks for National Stadium.
Top on the list of stars wey don dey Abuja already na Blessing Okagbare wey go compete for her home wey be Delta State.
Commonwealth and African Champion for the 100m Hurdles Event, Tobi Amusan, don dey town already to compete for Team Delta togeda with Ese Brume wey go compete for the Long Jump event also for Team Delta.
Chidi Okezie wey don win bronze medal for the last African Championship wey dem host for Asa a go also dey there for Team Delta
According to the timetable of the events wey the organizers release the first events for athletics go be Women’s 5000m event.
The Heats for the Men’s and Women’s 100m event go also take place for morning session.
Team Delta go dey hope for gold when Brume takes the centre stage for the Long Jump event wey go be for Tuesday afternoon.
Just like in Swimming where Delta State don secure over 90 % of the gold medals available, many dey expect say dem go do same for athletics.
However, with the ginger wey don dey for the 19th Sports Festival, anything fit happen o