Home Sports Village people finally comot their hand for Serena Williams mata as she...

Village people finally comot their hand for Serena Williams mata as she don win her first title in 3 years

0
SHARE

Serena Williams on Sunday bin end her 3 years run wey dey see her without trophy as she beat Jessica Pegula 6-3,6-4 for WTA Auckland Classic and e go ginga her morale as Australian Open dey wait for front.

Serena wey be top seed for dis competition bin slip 1-3 for d first set against Pegula wey no dey seeded.

Williams wey her husband and 2 year old pikin bin dey watch finally find ginga as she late win and kpake Pegula wela.

Na d first title wey Serena Williams go win since 2017 be dis and her first one as mama of pikin.

Serena Williams go dey look to reach d record wey Margaret Court bin get, d wan wey be say she get 24 Grand Slam title, and she go wan make am equal when she play for Australian Open dis month so.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.