One model talk how Tekno no wan use her for him video shoot because say she black.
The model, Quinbee go her Instagram page go talk about how she wake up by 4am so she go reach mainland on time for the shoot.
She meet with the director, Paul Gambit and she suppose be the main model for “your love” video wey dem wan shoot.
But as e be so, when Tekno reach the set, he no gree make she appear for the shoot at all because say she be dark skinned model.
After, he con gree make she show for the video but he no gree make she be the main model. He con pick another light skin model make she be the main model.
ANOTHER TORI: Microsoft Wan Sponsor ICT teacher for Nigeria. See Why
According to Quinbee, she walk out of the place and she leave dem there.
She con talk say if to say na Wizkid, he no go do that kind thing say Wizkid dey always appreciate black women.
Wetin una think about this one; Tekno no do am well abi wetin he do good?
Make una drop your comments below.