One Naija man, Itsese Kingsley don carry Oga Presido for Nigeria, General Muhammadu Buhari go court sake of say him no go school.
Mr Itse Okhai don para enter Federal High Court for Lagos say make Oga Buhari show him WAEC result.
The WAEC result mata don cause kasala for Naija as Oga Buhari been yarn say the Army been get hin certificates for body.
Everybody don come chuk eye for the mata based on say the Army don yarn before day dem been no get hin certificate for hand for 2014.
See the court papers wey dem carry knack Buhari say make him carry head enter court come yarn where hin certificate dey.