Home Pidgin Feature Two Pikin of Policeman Don Enter Trouble For Flogging Two Police Officers...

Two Pikin of Policeman Don Enter Trouble For Flogging Two Police Officers With Belt


Two boys, Abubakar Bello and Sikiru Bello wey dia papa na superintendent of police don enter court because dem carry dia belt flog two superintendents of police like small pikin.

Na on Monday wey police carry 16 years old Abubakar and 19 years old Sikiru go Igbosere Magistrate court for Lagos say make dem treat dia mess-up.

Dia two enter court with one woman Risikat Arowolo say dem do conspiracy and assault.

Sergeant. Peace Chukwudi wey na she carry the matter for head tell the court say the three of dem do wetin dem do on Saturday for Macarthy Police Barracks wey de for Lagos Island.

Sergeant Peace say dia three gather beat Chief Superintendent Onojaife Kent and Superintendent Nwaimo Christopher wey de live for the barrack with dem.

The offences wey dem do de against Sections 172 and 411 of the Criminal Law of Lagos State, 2015.

In fact, wen we check Section 172 e talk say anybody wey beat officer for Lagos na three years imprisonment sure for am, while Section 411 say make judge dash anybody wey do conspiracy 2 years for prison.

The three of dem say na lie dem no do anything.

Magistrate Patrick Adekomaiya carry bail give dem but him say dem need to bring N50, 000 each and dem need get one sureties each wey sef go bring dia own N50,000 com court.

The oga Magistrate say dem the sureties need to bring dia bank statements and dem must show evidence say dem de pay tax for Lagos state.

Him say make dem com back March 14 make dem fit reason d matter well.


Please enter your comment!
Please enter your name here

This site uses Akismet to reduce spam. Learn how your comment data is processed.