Naija Super Eagles go follow Sierra Leone play on Friday and next week Tuesday for dia AFCON qualifier.
And as dis games go soon happen, Naija Super Eagles Coachee, oga Gernot Rohr don come out to yarn as him talk say dem dey target to win d two games against Sierra Leone.
For statement wey him talk give NFF, him talk say;
“We nor dey underrate Sierra Leone wey we go play in 4 days, but we get our focus on top d matches dem”
“We wan win d two games, so dat we go fit get d ticket, and we go fit relax for d last 2 games”
“As we get World Cup qualifier for us next year, e beta make we finish d job to qualify for nations cup now”