Wande Coal talk say hin no keep hin pikin from hin baby mama as she don talk before.
Wande Coal baby mama, Temitope Ogunnusi talk say Wande and him mama don stop her from seeing their ten year old pikin, Joseph. She talk say she never see the pikin for eight years now.
She also talk say Wande Coal purposely change hin house so she no go fit come see the pikin.
Wande Coal respond say na lie Temitope dey lie say nobody dey hold her from seeing Joseph.
He talk say hin no even know say hin get pikin say Temitope go marry another man ansd she dey class say na the man get the pikin.
When the man con find out say the boy no resemble him say na Wande Coal he resemble na im he con go find Wande dem con do DNA test before dem know say Wande na the true papa of the pikin and that time the pikin don already reach two years old.
He even talk say hin mama pay Temitope fees for the fashion school wey she dey go that time make she no just dey dey do nothing.
ANOTHER TORI: Davido pay 15 Million for One Airport Worker Surgery
He talk say nobody hold her say he change house that time sake of say Mo Hits move from D’banj mama house wey dem dey live before go their own house.
Wande talk say make Temitope stop to dey lie to make him look bad say the only reason why he never sue na because she be the mama of hin pikin say if she care about the pikin true true make she call him.