Home Pidgin Sports WAWU: Fiorentina Talk Say Dem Go Pay Dia Late Captain Salary For...

WAWU: Fiorentina Talk Say Dem Go Pay Dia Late Captain Salary For Grave


Sunday 4th of March, 2018 no be date wey bring smile for the face of players of Fiorentina as police find the dead body of dia captain, Davide Astori, for the hotel wey hin sleep.

Up till now, we never know wetin gan gan kill Davide but police talk say e be like case of person kill am by mistake. Even though dem never do autopsy, dem just dey try reason wetin really happen.
According to report wey we get, dem go do autopsy tomorrow Tuesday 6th of March, 2018.Na until dem do this autopsy before we really know wetin kill am.
Meanwhile, the club management, because dem really like this guy, dem talk say even as hin don die, dem go still dey pay am salary. Dem talk say dem go dey give this money to wife and hin 2 years old pickin.
Wen dem con ask dem say for how long dem wan dey pay am like dat, dem talk say na for life o. Forever and ever.
This na very good thing dem do for that family and everybody happy with dem.


Please enter your comment!
Please enter your name here

This site uses Akismet to reduce spam. Learn how your comment data is processed.