Peoples Democratic Party wey de for Lagos state don say dem no go gree make dem enforce Yoruba language preservation and promotion law 2018 for Lagos. Dem don tell oga Governor Akinwunmi Ambode say make him put the law on suspend first.
This talk na Mr Taofik Gani, the talk talk man for PDP for Lagos na him talk am for statement wey him write. Him say the bill Ambode don sign say na law no make sense and na bad faith wey dem do am.
Him say the Lagos state house of assembly no consider as Lagos de say dem the honourables for the house no know dia work at all, say dem de over incompetent.
Gani say dem do the law so that make Lagos state governor fit de collect more money for people hand as dem say make people wet wan get admission for Lagos state schools first get credit pass for Yoruba language first.
PDP say the law na make people wey no understand Yoruba for lagos get problem say e de against Sections: 17(2c) (3a) and 18 (1) of the 1999 Constitution of the FRN (as amended).